Lirik Lagu Karo: Perbuah Galuh - Maharani Br Tarigan
ula nai kam ragu ula nai kam sangsi
adi kerna aku nggo pasti metami
Karo mama Karoku kam jantung hatiku
Ribu bere Ribuku kam buah baraku
turah batang sibaguri lanai bo pagi terosari
turah keleng ras ate jadi lanai bo pagi tersambari
rumah siwaluh jabu empat palasna
adi enggo kita erjabu ula min selpat ateta ngena
sikelengen kel kita siajar-ajaren duana
nangkeng ras kincuah pe pagi ras kita duana
bagi perbuah batang galuh enda sekali ngenca ia erbuah
adina enggo kita erjabu ula min pagi lit si ngobah
tuhu i rakut redan i pola
gelah ula sirang ia duana
adi enggo ersada aku ras kena
radu-radu setia min kita
tuhu i rakut redan i pola
gelah ula sirang ia duana
adi enggo ersada aku ras kena
radu-radu setia min kita
4 September 2015
Perbuah Galuh - Maharani Br Tarigan
Penulis Galang Seluar
Diterbitkan Jumat, September 04, 2015
Artikel Terkait
Newsletter
Berlangganan artikel terbaru dari blog ini langsung via email